لعنبو قصة غرام ٍ كل أبوها كلمتين
إبتدينا عند ( أحبك ) وإنتهينا عند ( باي)
تونا بالحب والله ما مشينا خطوتين
وإنتهى الموضوع فجأة حتى مدري وش خطاي
انتهى الموضوع فجأه بالسهوله تحكم ؟
وين أحبك ؟ وين أبيك ؟ وين ساكن في حشاي ؟
يمكن إنك ما وفيت يوم جيت تعشق
ويمكن انك تحسبني بتبعك من دون راي
ويمكن اصلا ما عشقت بس كنت تلعب
ويمكن انك ما وصلت في هواك لمستواي
ويمكن اني ماعرفتك في الحقيقه وش تبي
ويمكن اني خنت نفسي يوم اعطيتك وفاي
علمني في الهوى ياجاهل وش تعرف ؟
تعرف انك غديت ( شي ) يجري في دماي
علمني في العطا والتضحيه وش تفهم ؟؟
لعنبو حيّك عشانك بعت أقرب أقرباي
كنت أحطك في عيوني تسرح وتمرح
كنت اشيل هموم قلبك وارمي همومي وراي
كنت اطير من السعاده يوم اشوفك تضحك
كنت ذايب في هواك مثل سكر وسط ماي
كنت نايم في العسل وارسم من الفرحه سنين
كنت اظنك قلب عاشق ماسكن وسطه سواي
ما وعيت الا وأنت في خفوقي تطعن
ما وعيت الا وسيفك في الحشا رايح وجاي
مـلاااك اي والله مــــلاااك بس عرفت تجرح
كل شي فيني جريح الاااااااا ( فخامة كبرياي )
ما تأثرت بغيابك ويش يعني دمعتين ؟؟
بكره انسى صدقني وأرجع بكامل قواي
أدري إن حنا إفترقنا بس أبفهم حاجتين
علمتني وش كسبت ؟ وعلمتني وش خطاي
أصلا الموضوع كله ما تعدى كلمتين
التقينا عند ( أحبك ) وإفترقنا عند ( باي)
اهــــــديـــهــــا (m)
السبت أغسطس 09, 2008 6:03 am
