تصريفات البنات ش ي لايفوتكم

السلام عليكم
اليوم جايبة لكم حركات البنات اثناء المذاكرة ((خاصة وقت الامتحانات))
شوفوا ام التصريفات اللي يبتكروها فعلا ماهم بسيطات ويعرفون كيف اذا حبوا يصرفوا يصرفوا بلد بأكمله هههههه
احم احم نسيت انا بنت بعد مثلي مثلهم وياما جربت هالحركات واحيانا تصيب واحيانا تخيب وهذي كثرووا منها ههههه

1- الثلاث وجبات الرئيسية لازم تقعد عليها اول وحدة وماتقوم الا آخر وحده ((جوعانة المسكينة)) واحيانا تزيد وجبات اضافية اذا كانت المادة دسمة

2- احيانا تقعد تسوي نفسها طفشانة وتعبانة وياربي ماني قادرة أذاكر مدري وش فيني حاسة بكتمة يمه .. تقعد أمها تقول باسم الله عليك .. تعالي أقرا عليك .. الظاهر احد صاكني عين (ياحبيبي على الحركات كل هذا عشان اذا سقطت يقولون عين)

3- بعضهن ينزل عليها وسواس نظافة ايام الامتحانات تستحم الصبح والليل وتستشور شعرها كل مرة طبعا مايصير تخليه يخرب وبكره كيف تروح الجامعة (والكتاب على جنب) طبعا هذي من واجباتها اليومية وماتقدر تتركها عشان تذاكر شوي مايصير

4- هذي تترك الكتاب على جنب وتقوم تقيس فساتين السهرات اللي عنده عشان بعد الاختبارات على طول فيه عرس فلانه بنت فلان ولازم تحدد وش تلبس من الحين ... وبعضهن ليلة الاختبار عند الخياطة رايحة تسوي بروفة (الله من قل الدبرة بس)

5- وبعضهن تنزل عليها صلة الرحم فجأة وتقوم وتكلم وحدة من صديقاتها القدام من زمان ماكلمتها تشوف وش صار عليها وتشغلها عن امذاكرة

6- وهذي تنزل عليها الشطارة وفجأة تقوم تسوي العشا لاهلها وتغسل الصحون عن الشغالة وتقول لها اطلعي نامي انتي خلاص انا اكمل ...

7- وهذي ربي مبتليها بحب الجوال (قالبتها تشات حشا مو مسجات)
وماتصحى على نفسها الا قبل الفجر بساعتين .. تذاكر شوي..
8- وهذي المسكينة من قلة الحيلة توجع القلب لاقفلت معها تروح قضبت المخدة ونامت لين تصحى وتقوول يوووووووووووه راحت عليه نومه

9- وهذي ايام الامتحانات تنزل عليها حالات غريبة شوي مشتهية اكله معينة وماتلقى السواق الا رايح جاي رايح جاي ... وامها يابنتي وش تبين بس ...قال ايش تبي تساعدها وعشان تفتح نفسها للمذاكرة .. ذا النوع ماتنتهي الامتحانات الا زايدة 4 كيلو

10- الباقي على النت في المنتديات اللي تعلق واللي تحط موضوع جديد وتشكي حالها وبعدها تتفرغ للمذاكرة وهي رايحة ملح من النعاس وماتدري ان كل ذا هرووووووووووووب

يالله بعد التصريفات ذي حابة اشوف رايكم وياليت كل من يدخل يقول بصرااحة التصريفة اللي قد عملها ههههههههه
انتظــــر الردوووود تصريفات البنات ش ي لايفوتكم 0108

Admin عدد الرسائل : 376 تاريخ التسجيل : 13/04/2008

3- بعضهن ينزل عليها وسواس نظافة ايام الامتحانات تستحم الصبح والليل وتستشور شعرها كل مرة طبعا مايصير تخليه يخرب وبكره كيف تروح الجامعة (والكتاب على جنب) طبعا هذي من واجباتها اليومية وماتقدر تتركها عشان تذاكر شوي مايصير
ـــــــــــــــــــــــــــــــــــــــــــــ
هذي انا بس بصرااحه انا مااستشور شعري لان شعري ناعم الحمدلله

مشكوره لمعه عالموضوع الرووعه

عدد الرسائل : 71 تاريخ التسجيل : 03/06/2008

ههههههههههههههه حلوه

لا الصراحه انا ما اصرف

بالعكس و الله اقعد و الكتاب بوجهي>>>>>ما شاء الله علي شاطره